வலயக் கல்விப் பணிப்பாளரின் செய்தி

அன்புமிக்க மாணவச் செல்வங்களே, பெற்றோர்களே!

தற்போது நிலவுகின்ற  CoviD19 அபாய கால கட்டத்தில் நாம் தளர விடாது பாதுகாக்க வேண்டிய விடயங்களில் கல்வியும் ஒன்றாகும். தற்போது கையடக்க தொலைபேசிகளையும் கணினிகளையும் இணையத் தள வசதியுடன் பல பிள்ளைகள் வெற்றிகரமாக பயன்படுத்தி தமது கற்றலை  தொடர்கின்றனர். ஆனால் இந்த வசதிகள் இருந்தும் பலர் அதனை முறையாக பயன்படுத்தாத நிலையை எமது கல்குடா வலயத்தில் காண்கிறேன். மிகவும் ஏராளமான வளங்கள் இப்போது இணையத்தினூடாக கிடைக்கின்றன. அவற்றை நாம் நன்கு பயன்படுத்த வேண்டும். இணையத்தள வசதியுடனான சாதனங்கள் இல்லாதவர்களுக்காகவும் வசதிகளை கல்வி அமைச்சு செய்துள்ளது. சாதாரண தொலைபேசிகள், வானொலி, தொலைக்காட்சி ஆகியவற்றினூடாக  நடைபெறும் கல்விச் செயற்பாடுகளை நீங்கள் பயன்படுத்துங்கள்.

 நாம் தொழினுட்ப வசதிகளாலும் பொருளாதார வசதிகளாலும் மிகவும் பின்னடைவானவர்களாகவே இருக்கின்றோம். ஆனால் இந்த நிலையை வெற்றிகொள்ளாமல் எமது பற்றாக்குறைகளைப் பற்றியே பேசி காலத்தை ஓட விட்டோமாக இருந்தால் அதன் தீய விளைவு நிச்சயமாக எம்மையே வந்து தாக்கும். இது மேலும் பல சந்ததிகளுக்கு நாம் பின் தங்கிய வலயமாகவே இருக்கச் செய்யும்.

ஆகையால் சாவால்களை வெற்றிகொண்டு 2020ஆம் ஆண்டின் கல்வியை வழமை போன்று முன்னேற்றப் பாதையில் முன்னெடுக்குமாறு அன்பாக கேட்டுக்கொள்கின்றேன். பாடசாலைக்குப் பதிலாக வழங்கப்பட்டுள்ள மாற்று வசதிகளை பிரயோகித்து வெற்றி பெறுங்கள்.

தி.ரவி

வலய கல்விப் பணிப்பாளர்,

கல்குடா வலயம்.